Ѓорги Хасаноски го извади Светиот Крст од водите на Крушевското Езеро

Голема бројка на верници присуствуваа на одбележувањето на големиот христијански празник Богојавление во Крушево. Денес МПЦ-ОА го слави настанот на Крштението Господово во реката Јордан и јавувањето на Троичниот Бог: Отецот и Синот и Светиот Дух. По тој повод Митрополитот Крушевски и Демирхисарски г. Јован, отслужи Света Архиерејска Василиева Литургија во храмот ,,Успение на Пресвета Богородица” во Крушево и изврши Голем Богојавленски водосвет над водите од Крушевското Езеро.

Крушевчани, но и многу туристи од други места кои го посетија Крушево беа дел од овој традиционален и значаен настан. Полагањето на чесниот крст во Крушевското езеро мотивираше голем број на верници да учествуваат во оваа свеченост. Најбрз и најсреќен од сите беше Ѓорги Хасаноски кој прв го извади Светиот Крст од водите на Крушевското Езеро.

Во продолжение можете да погледнете неколку фотографии од овој прекрасен христијански православен обичај.