Во Крушево се одбележаа 44 години од раѓањето на Тоше Проески

Денес во Крушево се одржа традиционалниот настан чија цел е да се одбележи 25 јануари, денот кога се роди Тоше Проески. По тој повод во Крушево пристигнаа многубројни посетители од земјава и странство, а најбројни беа посетителите од Бугарија и од Нова Градишка во Хрватска. Преку целиот ден се одржаа многубројни активности, крводарителска акција, полагање на свежо цвеќе на гробот од Тоше, музички настап на младите музички ѕвезди Нела Манческа и Дорис Димовска, бендот „Lock Down“, а прекрасно звучеа и песните од Тоше кои ги испеаа вокалните групи од Бугарија „Оренда“ и „Графити“.