Три вицови за поубав ден
Виц бр. 1
Постар пар седи во градскиот парк и разговараат помеѓу себе.
Жената вели:
Маженце мое, се сеќаваш ли како ме чекаше на онаа клупа пред 40 години?
„Се сеќавам, како не се сеќавам. Еве сега пак на истото место седи некој друг идиот како мене“ – одговорил мажот.
Виц бр. 2
Саше седи во кафана и пие ли пие ракија. По неколку часа, тој веќе беше мртов пијан. Проба да стане, но едвај се држеше на нозе и почна да се ниша, де лево, де десно, и во секој момент се очекуваше да падне на земја. Во истиот момент во кафаната влезе другар му. Го виде што прави и се стрча кон него за да му помогне.
– Саше, се знаеме цели 20 години и никогаш досега не си бил толку многу пијан. Престани со пиењево, те молам! – му рече другарот.
– Ај, остави ме на мира! – викна пијаниот и продолжи да зборува: Си имам мака. Жена ми побегна со мојот најдобар пријател!
– Ама Сашо што зборуваш сега глупости? Јас сум твојот најдобар пријател!- рече другарот.
– Веќе не си! Помина твоето. Сега тој ми е најдобар пријател, оти ме спаси! – одговори Саше.
Виц бр. 3
Пред операција:
– Докторе, дали е точно дека нема да ме оперира вистински доктор, туку ќе ме оперира студент по медицина?
– Да, вистина е.
– Ама докторе, што ако згреши нешто?
– Ич не се секирај. Ако згреши, јас одма ќе му пишам двојка.
Фотографија на денот:
