Битола во бело: На 22 август плоштадот „Магнолија“ станува сцена за македонската музика
Под мотото „Широк Сокак во бело“, Битола се подготвува за незаборавна „Бела ноќ“ на која главниот збор ќе го имаат македонските музички изведувачи. На 22 август, плоштадот „Магнолија“ во Битола ќе се претвори во голема отворена сцена под отворено небо, обединувајќи различни генерации, различен звук и единствена македонска музичка енергија.
Организаторите го исполнија ветувањето дека сцената целосно ќе им биде препуштена на домашните артисти, нудејќи богата програма исполнета со познати рефрени кои се пеат наизуст, но и нови ритми што допрва ќе се запеат заедно.
Кој ќе настапи на битолската „Бела ноќ“?
Музичката програма нуди спој на различни жанрови и изведувачи омилени кај сите генерации:
- DJ Chiko
- Никола Зацески и Алексеј Ивановски
- Паркети
- Ѓоко Танески со својот бенд
- Дац и Александар
Дрес-код: Време е за бела облека!
Најспецифичниот детал за оваа вечер е препорачаниот дрескод — облека во бела боја. Организаторите ги повикуваат сите битолчани и посетители да излезат на улиците во бело и да бидат дел од спектаклот.
„Илјадници луѓе на улиците, полн Широк Сокак, полн плоштад ‘Магнолија’ и она чувство што не се става во програма — кога цел град ќе излезе заедно и ќе почне да дише во ист ритам. Ние ја подготвивме сцената, тие ја носат музиката, а вие само облечете бела облека!“, порачуваат од организацијата.
Не пропуштајте го овој голем летен настан — 22 август (сабота), плоштад „Магнолија“. Направете си резервација во календарот за уште една ноќ за паметење во градот на конзулите!
