Младите таленти од Летната школа „Илинденка“ во Крушево одушевија со театарски перформанс

Денес во Крушево се одржа завршниот театарски перформанс на децата кои беа дел од годинешното издание на Летната школа „Илинденка“.

Пред бројната публика, младите учесници ги прикажаа стекнатите знаења и вештини развиени за време на интензивните театарски стручни работилници. Под раководство и менторство на меѓународни и домашни експерти — проф. д-р Патричиа Катона од Романија и Билјана Крајчевска — децата имаа единствена можност да нурнат во светот на сценската уметност, подобрувајќи ја својата актерска игра, говорните вештини и сценското движење.

Летната школа „Илинденка“ уште еднаш потврди дека Крушево е значаен културен центар. Преку интерактивни и едукативни содржини, оваа иницијатива успешно ги обединува младите околу вистинските културни и образовни вредности, поттикнувајќи го нивниот креативен потенцијал и тимски дух. Летната школа „Илинденка“ се одржа во рамките на манифестацијата Десет дена Крушевска Република.

Погледнете видео и фотогалерија!