Прилеп добива нов фестивал „Итар Пејо“

Прилеп овој викенд ќе биде центар на фолклорот и традицијата со одржувањето на новиот Меѓународен фолклорен фестивал „Итар Пејо“. Манифестацијата е во организација на КУД „Мирче Ацев“ – Прилеп, под покровителство на Општина Прилеп и НУЦК „Марко Цепенков“, а поддржана од бројни локални компании и претпријатија.

Официјална програма:

14 август 2026 година (петок)

• 19:00 ч. – Отворање пред споменикот на Итар Пејо
• Прошетка низ Прилеп
• Детска работилница на Могилата на непобедените
• Свечено дефиле на сите учесници
• Фестивалски настап кај споменикот на Итар Пејо

15 август 2026 година (сабота)

• 19:00 ч. – НУЦК „Марко Цепенков“ – Прилеп
• Креативна работилница
• Главна фестивалска вечер
• Забава на летната сцена при НУЦК „Марко Цепенков“

Информации за билети:

Влезниците за втората фестивалска вечер се продаваат по цена од 100 денари. Може да ги набавите секој работен ден од 10:00 до 12:00 часот на билетарата во Центарот за култура „Марко Цепенков“ – Прилеп.