Медали за крушевчанките Софија и Фани на државното првенство во пинг-понг

Во Пехчево се одржа Државното првенство во пинг-понг за основни и средни училишта, на кое учествуваа околу 80 ученици од повеќе градови во Македонија. Настанот се организира во соработка со Федерацијата на училишен спорт на Македонија, Пинг-понгарската федерација и локалните спортски организации, со поддршка на Општина Пехчево.

Голем успех постигнаа крушевчанките Софија Хасану и Фани Јованоска. На државното првенство во пинг понг за средни училишта во женска категорија Софија Хасану освои прво место, а Фани Јованоска освои трето место. Одличните резултати се доказ за нивната посветеност и напорните тренинзи, како и на стручното водство на професорот по спорт и спортски активности, Крсте Ташески.

Ова е голем успех за пинг-понгот, спорт кој има голем број поддржувачи и ентузијасти во Крушево! Покрај актуелниот успех, овој резултат е и најдобар доказ за посветеноста и работата на сите оние кои низ минатите години го развиваа овој спорт во Крушево, поставувајќи здрави темели за денешните постигнувања.