Влашката песна и традиција ја исполнија Летната сцена во Крушево
Во рамките на традиционалната манифестација „Десет дена Крушевска Република 2026“, вечерва (4 август) во Крушево беа одржани настани наменети за промоција на влашката култура, уметност и традиција.
Програмата започна во 19:00 часот во Спомен куќата „Тодор Проески“ со изложбата на фотографии „КОНТРАСТ“ од Атанас Нашоку – Саку.
Веднаш после изложбата присутните се упатија кон Летната сцена на Гумење во Крушево каде во 20:15 часот продолжи влашката вечер со настапите на пејачките групи „Горди Власи“, „Грамоштајн“, но запеаа и крушевчаните од Здружението на пензионери. Присутните имаа можност да уживаат во автентичниот влашки фолклор и мелодии кои грижливо го чуваат културното наследство.
Организаторите упатуваат искрена благодарност до сите присутни гости, изведувачи и поддржувачи кои со своето присуство ја направија оваа вечер незаборавна.
Најава за програмата за среда (5 август):
Манифестацијата продолжува со богата содржина:
- 10:00 – 12:00 ч. – Едукативно-креативни работилници и анимации за деца со атипичен развој во соработка со волонтерите од Мировен корпус (Локација: Крушевско Езеро)
- 11:00 ч. – Научна трибина – Институт за национална историја (Локација: Горна училишна зграда)
- 16:00 – 18:00 ч. – Театарски работилници за деца и младинци со проф. д-р Патричија Катона од Романија и драматург и едукатор Билјана Крајчевска (Локација: Горна училишна зграда)
- 21:00 ч. – Монодрама „СРАМ“ – Театарска претстава „Срам“, режија и изведба на Ангела Стојановска (Локација: Летна сцена)
