Прилепската населба Точила стана уште поубава со новите спортски терени
Жителите на прилепската населба Точила денеска добија целосно модернизирано и реконструирано спортско катче, кое свечено беше пуштено во употреба од страна на градоначалникот на Општина Прилеп, Дејан Проданоски, заедно со министерот за спорт, Борко Ристовски. Во рок од еден месец целосно се реконструираа спортските терени и повторно се ставија во функција модернизирани игралишта за фудбал, кошарка и одбојка, како и нови фитнес реквизити кои ќе им служат на сите прилепчани.
Прилепскиот градоначалник истакна: „Со ваквите проекти создаваме повеќе можности за спорт, рекреација и здрав живот, особено за најмладите, кои ги мотивираме да ги заменат современите пороци со активен и правилен развој“.
Реконструираното спортско катче во Точила е дел од заложбите на Општина Прилеп за унапредување на спортската инфраструктура и создавање подобри услови за физичка активност за сите генерации.
Видео од :
