Македонски фестивал во Сиднеј: Овој викенд ќе има прослава на македонската култура

Македонската заедница во Австралија се подготвува за долгоочекуваниот Македонски фестивал кој ќе се одржи во Сиднеј на 16 ноември 2025 година.

Фестивалот, организиран од Австралиско-македонскиот совет на Нов Јужен Велс, ветува богата и разновидна програма во Carrs Park од 10 часот наутро до 4 часот попладне.

Посетителите ќе имаат можност да уживаат во настапи на фолклорни групи, естрадни уметници, комичари и ученици по македонски јазик, кои ќе ја слават македонската традиција и култура.

Покрај музиката и забавата, фестивалот ќе понуди и традиционални македонски јадења и пијалоци.

Следи изјава на еден од учесниците на фестивалот. “Музиката, храната, вкусот на Македонија 🇲🇰 Ќе го служиме нашиот препознатлив бурек цел ден на Македонскиот фестивал, Карс Парк, оваа недела, 16 ноември (10:00-16:00)! Дојдете гладни, танцувајте многу и не пропуштајте го мирисот на свежо печен бурек.

Видео: https://www.facebook.com/share/r/16chpD74ux/

Овој настан е одлична можност за дружење, негување на македонскиот идентитет и промоција на културата на австралиско тло.