Крушево повторно пулсира во авантуристички ритам. Започнува „When in Krusevo 2026“

Од 3 до 5 јули 2026 година, Крушево по четврти пат ќе биде епицентар на уникатно тридневно искуство. Највисокиот град на Балканот повторно ги спојува активниот туризам, природата, спортот, музиката, инклузивноста, културното наследство и автентичната локална гастрономија во рамките на добро познатиот фестивал „When in Krusevo”.

Во организација на Еколошкото друштво „АУТДОР МАНИФЕСТ“ – Крушево, фестивалот и оваа година носи богата и разновидна програма наменета за сите генерации. Настанот е совршена дестинација како за искусните авантуристи и рекреативци, така и за семејствата со деца кои сакаат викенд исполнет со динамични активности, квалитетна музика и незаборавни глетки.

Богата тридневна програма на неколку локации

Фестивалската магија започнува во петок (3 јули), со пристигнување и регистрација на учесниците, по што следува отворање на релаксирачката chillout зона покрај Крушевското Езеро. Вечерта е резервирана за музичка програма во Градскиот парк, каде за одличната атмосфера ќе се погрижат HUGO, Дарко Гроздановски и SEMPRE.

Сабота (4 јули) е најдинамичниот ден на фестивалот, исполнет со бројни спортски и адреналински предизвици. Посетителите ќе можат да избираат помеѓу:

• Планинарска тура и рекреативна велосипедска тура;
• Крос-кантри велосипедска трка „Oxygen“;
• Бројни outdoor активности на Станиќ: адреналински парк, вештачка карпа и биатлон;
• Активности на вода и копно: кајак, SUP, јога покрај езерото, јавање коњи, како и изнајмување велосипеди и четириколки.

Саботната вечер ќе кулминира со голема забава во Градскиот парк, каде пред публиката ќе настапат TOTSILI, легендарната група АРЕА и The After.

Во недела (5 јули), програмата продолжува во знакот на културата и релаксацијата. Предвидена е посета на крушевските музеи, возбудливи тандем параглајдинг летови од Мечкин Камен, како и уживање во фестивалските зони за одмор.

Инклузивноста и екологијата во преден план

Посебно место во неделната програма зазема инклузивниот и еко-настан. Преку детски игри, едукативни работилници, саем на локална храна и пијалаци, како и заедничка еколошка акција, фестивалот испраќа силна порака за еднакви можности, општествена инклузија и грижа за животната средина.

Токму овие вредности се столбот на „When in Krusevo”. Организаторите и оваа година ставаат акцент на создавање настан достапен за сите, кој ги поврзува луѓето и истовремено ја подига свеста за зачувување на природните богатства на Крушево преку промоција на одржлив туризам.

Покана за незаборавен летен викенд

Изминатите изданија на фестивалот привлекоа илјадници посетители од земјава и регионот, а очекувањата се дека и оваа година Крушево ќе ја потврди својата позиција како една од најатрактивните летни outdoor дестинации.

„When in Krusevo” не е само обичен фестивал – тој е отворена покана да се доживее градот од една поинаква, подинамична перспектива. Да се истражат планинските патеки, да се почувствува адреналинот на летот над градот и да се создадат спомени под отворено небо.

Организаторите ги покануваат сите љубители на природата, спортот, авантурата и добрата музика да бидат дел од „When in Krusevo 2026″ и заедно да го соколат пулсот на авантурата во срцето на Крушево!