Здравко Чолиќ со единствен концерт во Македонија ова лето – Битола подготвена за спектакл!
Музичката легенда и без конкуренција најголемата регионална ѕвезда на сите времиња, Здравко Чолиќ, оваа летна сезона ќе одржи само еден ексклузивен концерт за цела Македонија. Големиот музички спектакл ќе се одржи на 1 август на стадионот „Петар Милошевски“ во Битола, под организација на „Авалон Продукција“ и со поддршка на Општина Битола.
Ова е ретка можност за македонската публика во живо да ги слушне сите негови најголеми хитови во време кога Чолиќ ги руши сите рекорди на посетеност низ целиот регион.
„Големо задоволство ни е да Ви најавиме дека најголемата регионална ѕвезда на сите времиња, Здравко Чолиќ, оваа летна сезона ќе одржи само еден концерт за цела Македонија, и тоа на 1 август во преубавата и монументална Битола! За сите што се прашуваат зошто Здравко Чолиќ уште е тоа што е, одговорот е – затоа што неговите концерти се на највисоко светско ниво“, истакнуваат од организацијата „Avalon International Booking“.
Подгответе се за најдобриот концерт за ова лето, така што во меѓувреме ќе се потсетите на најголемите музички хитови на нашиот Здравко Чолиќ.
