Cредба со бувот Буба на „10 Дена Крушевска Република“
Во рамките на овогодишното издание на познатата манифестација „Десет дена Крушевска Република“, Крушево ќе биде домаќин на несекојдневна едукативна и атрактивна содржина која веќе предизвикува голем интерес кај посетителите.
На 8 и 9 август, градот под Гумење ќе биде сцена каде традицијата се среќава со дивата природа. Соколарите Филип и Трајче ќе одржат соколарски презентации со нивниот импозантен примерок од видот Голем був (Bubo bubo) – популарно наречен Буба.
Традиција заштитена од УНЕСКО
Соколарството претставува вековна благородна вештина и традиција на длабок соживот меѓу човекот и птиците грабливки. Поради својата културна и историска вредност, оваа древна уметност е заштитена и како нематеријално светско културно наследство на УНЕСКО.
Преку овие презентации, сите присутни ќе имаат ретка и ексклузивна можност одблиску да ја запознаат анатомијата, специфичниот карактер и фасцинантната биологија на овој моќен ноќен грабливец.
Едукација и можност за фотографирање
Покрај едукативните разговори посветени на зачувувањето на дивите птици и заштитата на нивните природни живеалишта, настанот нуди и посебно искуство за љубителите на фотографијата.
Во посебно дефинирана зона, но и низ целиот центар на Крушево, ќе биде овозможено дискретно и строго контролирано фотографирање со Буба, со цел да се обезбеди целосна безбедност и мир за птицата, а посетителите преку фотографија ќе можат дома да однесат незаборавни спомени.
Не ја пропуштајте можноста да бидете дел од ова единствено искуство и да ја почувствувате дивата убавина на соколарството во прекрасниот амбиент на историско Крушево!
