КВИЗ: Каков тип на „плажаџија“ си кога ќе отидеш на одмор?

Летните одмори се пред нас, а со тоа и фамозните денови поминати на плажа. Додека едни уживаат во мир и тишина, други прават вистинска логистика како да одат во војна, а не на плажа. Одговори на овие 5 брзи прашања, пресметај ги твоите одговори (А, Б, В или Г) и дознај кaков тип на човек си.

1. Во колку часот пристигнуваш на плажа?

А) Во 7:00 наутро. Веќе имам фатено лежалка во прв ред или имам ставено крпа за да го зачувам најдоброто место под сенка.

Б) Околу 10:30 или 11:00 часот. Полека, на одмор сум, нема каде да брзам.

В) Некаде попладне, околу 16:00 часот, кога сонцето веќе „паѓа“ и светлината е совршена за добри слики.

Г) Се појавувам кога сите си одат, или пак воопшто не стигнувам до плажа бидејќи заглавив на кафе или во кревет во апартманот.

2. Како изгледа твојата торба за на плажа?

А) Огромна! Внатре има: три крпи, резервни костими за капење, фрижидерче со сендвичи, праски, вода, три вида креми со различен заштитен фактор и комплет прва помош.

Б) Една обична крпа префрлена преку рамо, телефон и паричник. Сè што ми треба ќе си купам таму.

В) Преубава плетена торба во која има модерни очила за сонце, книга што изгледа паметно (иако нема да ја прочитам) и три различни шешири за менување.

Г) Често ја заборавам во автомобилот или во апартманот, па на крајот некој друг ми ја носи крпата или ме мачка со крема.

3. Што правиш кога ќе влезеш во вода?

А) Веднаш почнувам со сериозно пливање во длабокото, правам кругови и ја мерам кондицијата. Водата лечи сè!

Б) Влегувам до колена, стојам така со часови, зборувам со луѓето околу мене и ја коментирам температурата на водата.

В) Влегувам само додека да направам неколку фотки и видеа, внимавајќи да не си ја намокрам косата или шминката, па веднаш излегувам на лежалка.

Г) Влегувам наеднаш, правам глупости, ги попрскувам сите околу мене со вода и се однесувам како дете без разлика на тоа колку години имам.

4. Некој пуштил гласна музика од телефон или децата до тебе фрлаат песок по крпите. Твојата реакција е:

А) Длабоко воздивнувам, ги превртувам очите и гласно коментирам: „Каде е културата на луѓево денес?!“

Б) Ставам слушалки во уши, се превртувам на стомак и продолжувам да спијам како ништо да не се случува.

В) Го сликам хаосот во позадина за на Story со некое иронично гифче и емотикон што се крсти.

Г) Се здружувам со децата, им ја земам топката и почнувам да играм со нив, правејќи уште поголем хаос.

5. Сонцето заоѓа, време е за заминување. Каде одиш?

А) Директно во апартман за да се истуширам, да ги исплакнам крпите и да почнам со подготовка на вечерата.

Б) Се префрлам во најблискиот бар на плажата, нарачувам ладно пиво или коктел и уживам во зајдисонцето по костим за капење или бањарка.

В) Правам уште една брза сесија на слики и барам кафуле каде што има добар Wi-Fi за да ги објавам.

Г) Сфаќам дека сум изгорел како рак бидејќи заборавив да се намачкам со крема, па барам најблиска аптека за кисело млеко или гел од алое вера.

РЕЗУЛТАТИ ОД ТЕСТОТ: Кој тип на „плажаџија“ си ти?

Погледни која буква ја имаш најмногу и прочитај го твојот профил:

• Најмногу одговори под А: „Професионален“ плажаџија и логистичар! За тебе плажата е сериозна работа. Доаѓаш прв, си одиш последен, а твојата торба може да спаси човечки животи во случај на апокалипса. Не поднесуваш недисциплина на плажа, сакаш добар ред и за тебе одморот е максимално искористување на секоја минута помината покрај вода.
• Најмногу одговори под Б: Опуштен! Ти си дефиницијата за одмор. Не се замараш со логистика, не носиш фрижидерчиња и не брзаш за место под сонцето. Сè што ти треба е крпа, малку сенка и ладен пијалак во близина. Твоето мото е: „Полека, на одмор сме, сè ќе се среди“.
• Најмногу одговори под В: Морски/езерски инфлуенсер! Ти не одиш на плажа само за да се капеш, туку за да креираш содржина и да се пофалиш пред другите дека си на море! Твоите крпи, очила и костими за капење се секогаш во склад со најновите трендови. Твоите пријатели знаат дека со тебе нема опуштено седење додека не се направи „совршената фотка“ од секој можен агол.
• Најмногу одговори под Г: Вечно дете и магнет за паника! Со тебе на плажа никогаш не е досадно, ама секогаш е непредвидливо. Или ќе заборавиш нешто важно, или ќе изгориш во првите 20 минути, или ќе направиш некоја смешна сцена во водата. На плажа одиш за чиста забава и дружење, а правилата едноставно не важат за тебе.