„Како што е таа чаша“ – стара македонска народна песна во изведба на Спасен
Александар Сариевски, Никола Бадев, Петранка Костадинова, Селимова – Желчевски се дел од македонските музички легенди кои ја испеаа оваа позната македонска народна песна. Сега кон нивното друштво се приклучи и Спасен Силјаноски кој испеа „Како што е таа чаша“ во рамките на музичкиот проект „Македонијо, во срце те носиме“
Во секој стих на „Како што е таа чаша“ се крие тивка исповед – за полното срце со јадови, за чашата со вино како утеха, за повикот на мајката и за одлуката да се земе пушката и да се појде в гора – не само како бунт, туку како чин на љубов и жртва за татковината.
Новата верзија е продуцирана и аранжирана од маестро Николче Мицевски.
Во продолжение можете да го погледнете видео спотот:
