Зимска приказна „Зимзоленд“
Ако избираме настани кои привлекоа најголемо внимание во нашата земја оваа зима, тогаш без сомнение на врвот од листата треба да се најде „Зимзоленд“. Овој настан за прв пат се организираше во главниот град Скопје, започна на 6-ти декември 2024 година, а заврши на 19 јануари 2025 година, односно на верскиот празник Водици. Илјадници скопјани, но и посетители од целата земја беа на „Зимзоленд“ и уживаа во прекрасните моменти на забава и смеа. И нашата екипа ја посети скопската населба Аеродром каде всушност и се организираше „Зимзоленд“ и специјално за вас подготви краток видео запис со цел да ви пренесе дел од прекрасната атмосфера која се чувствуваше на овој волшебно уреден простор.
