Премиера: Ламбе Алабаковски со своја верзија на хитот „Како пиреј“ од Гоце Николовски

Пред 31 година во1994 година на Фолк фест Валандово познатиот македонски пејач Гоце Николовски за прв пат ја испеа песната „Како пиреј“. Музиката и текстот на оригиналната верзија се дело на Гоце Николовски и Јован Павловски. Во продолжение можете да се потсетите на оригиналната изведба:

Оваа преубава македонска песна од денес повторно ќе „заживее“ благодарение на Ламбе Алабаковски кој испеа нова верзија од песната, а аранжманот е на маестро Николче Мицевски. На овој начин всушност започнува вториот дел од проектот „Македонија во срце те носиме“ со кој многу постари македонски народни песни станаа омилени за новите генерации.

Под мотото Да ја обоиме Македонија со најубавите звуци се очекува до крајот на ова лето да бидат промовирани сите нови композиции од проектот „Македонија во срце те носиме“.

На самиот крај ви препорачуваме да ја погледнете и слушнете новата верзија од песната „Како пиреј“ во изведба на Ламбе.