“Оптири лајлам” – традиционална велешка песна по повод Прочка

Велешани сеуште ја чуваат својата традиција. И годинава повторно најмладите ја запеаа “Оптири лајлам”. Децата најчесто се преоблекуваат во облека на лекар, дедо, баба и најразновидни други ликови и ги посетуваат велешките куќи. Како награда за посетата и испеаната песна домаќините им подаруваат бонбончиња, благи нешта, мандарини, портокали и пари. На денешниов ден се посетуваат и домовите на кумовите и најблиските роднини. На мажите им се подарува лимон, а на жените портокал.

Текст од традиционалната велешка песна “Оптири, лајлам”.

„Оптири лајлам – трала ла ла лајлам, дедо пие ракија – мезе му е слезенка.Ооо дедо дедо, слатка ли е ракијата? Слатка е бре деца како мед и шеќер.

Буц бабата. Бабата е болна од шеќерна болест, на бабата благце, на докторот париче“.