Во Прилеп се одржа првата јавна средба со граѓани за заедничко креирање на буџетот за 2026 година
Вечерва во Прилеп во присуство на градоначалникот Дејан Проданоски успешно се одржа првата средба од циклусот консултации во рамките на процесот за креирање на Буџетот на Општина Прилеп за 2026 година.
Под мотото „Заедно креираме буџет за сите“ на средбата активно учествуваа голем број на прилепчани и претставници од урбаните и месните заедници, кои ги изнесоа своите предлози, идеи и приоритети.
Оваа конструктивна дискусија уште еднаш покажа дека заедно, преку отворен и транспарентен процес, можеме да ги обликуваме вистинските насоки за развој на општините.
Во понеделник повторно ќе има јавна средба, на која фокусот ќе биде ставен на реалниот сектор стопанствениците, претставниците од невладиниот сектор и останатите релевантни централни институции.
