Ликовна изложба “Низ четката на преспанските уметници” во Домот на културата “Илинден” Демир Хисар
Во петок на 28.11.2025 година со почеток во 12 часот во Домот на културата Илинден ќе биде отворена ликовната изложба „Низ четката на преспанските уметници“. На изложбата ќе бидат изложени ликовни дела во различна техника од овогодинешната 12-та по ред ликовна работилница која традиционално се одржува во креативна и инспиративна атмосфера во живописната Преспа. Оваа година, ликовната работилница ги обедини младите талентирани уметници од Преспа, членовите на здружението „Преспа арт“ и членовите од Друштвото на ликовни уметници – Битола. Изложбата е во меѓусебна соработка на Домот на културата “Илинден” Демир Хисар со Домот на културата “Драги Тозија” од Ресен и истата е поддржана од Министерството за култура и туризам на Република Македонија.
