Понуда за 8-ми Март – Лутраки и Воден

ЛУТРАКИ е мало туристичко место со околу 2000 жители, а се наоѓа на само 130 км од граничниот премин Богородица. Местото со своите минерални лековити извори е познато уште од времето на Александар Македонски. Од 1992 год. туризмот значително се развива и денес има голем број хотели и апартмани кои ги задоволуваат потребите на гостите. Местото изобилува со ресторани, продавници и кафетерии.Овде посетителот може да ги комбинира минералната топла вода во базените со планинарењето, посетата на пештерата, а во зима може да оди и на скијање на планината Ворас (Кајмакчалан). Областа е планинска. Течењето на топлите и ладни води заедно со богатството со флора му дава на овој регион уникатна убавина уште од далечната 1920 год. кога за прв пат е прогласен за „природна бања“. Температурата на водата во базените е од 37 до 38 целзиусови степени. Водите се лековити и се препорачуваат за болни од реума, ишијас, бронхит, нервоза, дерматолошки и гинеколошки проблеми, како и циркулативни и респираторни нарушувања.